ఎల్ఐసీ జీవన్ ఉత్సవ్ ప్లాన్ (LIC Jeevan Utsav)
 |
| LIC Policy |
LIC Policy: ప్రభుత్వ రంగ జీవిత బీమా సంస్థ ఎల్ఐసీ ఏడాది క్రితం సరికొత్త పాలసీ తీసుకొచ్చింది. అద్భుతమైన బెనిఫిట్స్ కల్పిస్తోంది. ఈ పాలసీలో 5 సంవత్సరాలు ప్రమియం కడితే చాలు. జీవితాంతం ఏడాదికి రూ.50 వేల వరకు పెన్షన్ మాదిరిగా పొందవచ్చు.
LIC Policy: భారతీయ జీవిత బీమా సంస్థ (ఎల్ఐసీ) తమ కస్టమర్ల అవసరాలకు తగినట్లుగా పాలసీలను అందిస్తోంది. ఏడాది క్రితం జీవన్ ఉత్సవ్ పేరుతో సరికొత్త పాలసీని తీసుకొచ్చింది. నవంబర్ 29,2023 నుంచి పాలసీ కస్టమర్లకు అందుబాటులోకి వచ్చింది. ఈ పాలసీలో ప్రీమియం పేమెంట్ టర్మ్ లిమిటెడ్‌గా ఉండి బెనిఫిట్స్ మాత్రం జీవితాంతం పొందేలా రూపొందించడం గమనార్హం. ఈ పాలసీ కొనుగోలు చేసి జీవితాంత గ్యారెంటీ రిటర్న్స్ పొందొచ్చు. ముందుగా నిర్దేశించిన టర్మ్ వరకు ప్రీమియం చెల్లిస్తే మీకు జీవితాంతం ప్రతి సంవత్సరం మీ పెట్టుబడిలో 10 శాతం చొప్పున పెన్షన్ రూపంలో వెనక్కి ఇస్తుంది. మరి ఈ పాసీ గురించి ఇప్పుడే తెలుసుకుందాం.
ఎల్ఐసీ జీవన్ ఉత్సవ్ ప్లాన్ (LIC Jeevan Utsav) కొనుగోలు చేసేందుకు వయసు 90 రోజుల నుంచి గరిష్ఠంగా 65 ఏళ్లుగా ఉంది. కనీస బేసిక్ సమ్ అష్యూర్డ్ రూ.5 లక్షలుగా ఉంటుంది. అంటే మీరు చెల్లించే ప్రీమియం మెచ్యూరిటీ సమయానికి రూ.5 లక్షలు నిండాల్సి ఉంటుంది. జీవన్ ఉత్సవ్ పాలసీ ప్రీమియమ్ కాల వ్యవధి 5-16 ఏళ్ల మధ్య ఉంటుంది. తమకు అనువైన టర్మ్ ఎంచుకోవచ్చు. ఈ పాలసీ కొనుగోలు చేసిన తర్వాతా నిర్దేశిత సమయం నుంచి ప్రతి సంవత్సరం పెట్టుబడిలో 10 శాతం చొప్పున పాలసీదారుడికి జీవితాంతం అందిస్తారు. పాలసీదారుడు 100 ఏళ్లు జీవించి ఉంటే అప్పటి వరకూ ఇలా డబ్బులు వస్తూనే ఉంటాయి.
ఏడాదికి రూ.50 వేలు రావాలంటే..
ఎల్ఐసీ జీవన్ ఉత్సవ్ పాలసీ బేసిక్ సమ్ అష్యూర్డ్ రూ.5 లక్షలుగా ఉంది. ప్రీమియం టర్మ్ 5-16 ఏళ్ల మధ్య ఎంచుకోవచ్చు. మీరు 5 సంవత్సరాల కాల వ్యవధి ఎంచుకున్నారు అనుకుందాం. అప్పుడు ఏడాదికి దాదాపు రూ.1.16 లక్షలు (జీఎస్టీతో కలిపి) ప్రీమియం కట్టాల్సి వస్తుంది. ప్రీమియం టర్మ్ 5 ఏళ్లు ముగిసిన తర్వాత మరో 5 సంవత్సరాలు డిఫెర్డ్ పీరియడ్ ఉంటుంది. అంటే 5 ఏళ్లు వేచి ఉండాలి. ఆ తర్వాత ఏడాది అంటే 11వ సంవత్సరం నుంచి ప్రతి సంవత్సరం సమ్ అష్యూర్డ్ నుంచి 10 శాతం మీకు చెల్లిస్తారు. అంటే రూ.5 లక్షల పాలసీ తీసుకున్నారు కాబట్టి అందులో 10 శాతం అంటే రూ.50 వేలు వస్తాయి. పాలసీదారుడు జీవించి ఉన్నంత కాలం గ్యారెంటీ రిటర్న్స్ ఉంటాయి.
ఈ పాలసీ తీసుకునేటప్పుడు ప్రీమియం టర్మ్ జాగ్రత్తగా ఎంచుకోవాలి. ఎందుకంటే డిఫర్డ్ టైమ్ మారుతుంటుంది. 6 ఏళ్ల ప్రమియం టర్మ్ ఎంచుకుంటే 4 సంవత్సరాలు వేచి చూడాలి. 7 సంవత్సరాలు ఎంచుకుంటే 3 సంవత్సరాలు వేచి ఉండాలి. ఇక 8 ఏళ్లు ఎంచుకుంటే 2 ఏళ్లు డిఫర్ట్ పీరియడ్ ఉంటుంది. 9-16 సంవత్సరాల టర్మ్ అయితే వెయిటింగ్ పీరియడ్ రెండేళ్లుగా ఉంటుంది. పాలసీదారుడు అకాల మరణం చెందితం ఇన్సూరెన్స్ రూ.5 లక్షలు కుటుంబానికి వస్తాయి. సహజ మరణానికే వర్తిస్తుంది. యాక్సిడెంట్ బెనిఫిట్, డిసేబిలిటీ బెనిఫిట్ కావాలంటే యాడ్ ఆన్స్ తీసుకోవాలి.
JOIN What's Group Link: Click Here
OTHER POSTS:
